ఐరాస శాంతిదూతగా మలాలా
బాలల హక్కుల కోసం పోరాడుతున్న నోబెల్‌బహుమతి గ్రహీత మలాలా యూసఫ్‌జాయ్‌కు అత్యున్నత గౌరవం లభించింది. ఆమెను శాంతిదూతగా ఎంపిక చేసినట్లు ఐరాస ప్రధాన కార్యదర్శి ఆంటోనియో గుటెరస్‌ప్రకటించారు.. ఐరాస కార్యకలాపాలను, ఆదర్శభావాలను ప్రపంచవ్యాప్తంగా ప్రచారం చేసేందుకు బాగా పాపులర్‌అయిన ప్రముఖులను శాంతిదూతగా ఎంపిక చేస్తుంటారు.. బాలికల విద్యా హక్కు కోసం మలాలా ప్రదర్శిస్తున్న ధైర్యసాహసాలను చూసి ప్రపంచవ్యాప్తంగా ఎంతోమంది స్ఫూర్తి పొందుతుండటంతో ఐరాసా ఈ నిర్ణయం తీసుకుంది.. దీంతో ఐరాస శాంతిదూతగా నియమితులరాలైన అత్యంత పిన్న వయస్కురాలుగా మలాలా నిలిచారు.. వచ్చే వారం యూఎస్‌ప్రధాన కార్యాలయంలో జరిగే ప్రత్యేక కార్యక్రమం ద్వారా ఆమెకు ఈ హోదా ఇవ్వనున్నారు. ‘మహిళలు, యువతుల హక్కు కోసం ప్రాణాలను సైతం లెక్కచేయకుండా పోరాడుతూ మలాలా అసాధారణ ప్రతిభ కనబరుస్తుంది’ అందుకే శాంతిదూతగా ఎంపిక చేసినట్లు గుటెరస్‌వెల్లడించారు.
No comments