వేశ్య పాత్రలో శ్రీయ

తెరపై వేశ్య పాత్రలో కనిపించడం గొప్ప ఛాలెంజ్‌. ఈ పాత్రలో ఎందరో నటీమణులు ఇప్పటికే అద్భుత అభినయాన్ని కనబరిచారు. వారందరి ప్రేరణతో ‘పవిత్ర’గా వేశ్యపాత్రలో మెప్పిస్తాను. స్ర్తీ ఔన్నత్యాన్ని తెలియజేసే అద్భుత పాత్రను దర్శకుడు జనార్ధన మహర్షి తీర్చిదిద్దారు. నా కెరీర్‌లో ఓ మైలురాయి లాంటి చిత్రమిది. ఈ అవకాశం ఓ అదృష్టంగా భావిస్తున్నా’’ అన్నారు అందాల శ్రీయ. ఈ భామ జనార్ధనమహర్షి దర్శకుడిగా ఆదేశ్‌ ఫిలిమ్స్‌ పతాకంపై సాధక్‌కుమార్‌- జి.మహేశ్వరరెడ్డి సంయుక్తంగా నిర్మిస్తున్న ‘పవిత్ర’ చిత్రంలో టైటిల్‌ పాత్రలో నటిస్తున్న సంగతి తెలిసిందే. మెజారిటీ భాగం చిత్రీకరణ పూర్తయిన సందర్భంగా శ్రీయ మాట్లాడుతూ పైవిధంగా స్పందించారు. ‘సంచలనం కోసం వేశ్య పాత్రలో నటించడం లేదు. ఆ పాత్ర ద్వారా దర్శకుడు ఎన్నో సున్నిత అంశాలను స్పృషిస్తున్నారు. ఓ వేశ్య జీవితాన్ని..నిజానికి దగ్గరగా తెరకెక్కిస్తు న్నారు..అని శ్రీయ తెలిపారు.