ప్రభుదేవా డైరెక్షన్‌లో విశాల్, కార్తీ
నడిగర్ సంఘం ఎన్నికల్లో కలిసి పోటీ చేసి విక్టరీ కొట్టిన హీరోలు విశాల్, కార్తీ వెండితెరపై మరో హిట్ కొట్టేందుకు సిద్ధమయ్యారు.. వీరిద్దరు కలిసి నటించబోయే సినిమాకు ప్రభుదేవా దర్శకత్వం వహించనున్నట్లు కోలీవుడ్ టాక్.. ఈ చిత్రానికి కరుప్పు రాజా వెళ్లె రాజా అనే పేరు కూడా ఖరారైందని కూడా తెలుస్తోంది.. జూన్‌లో ప్రారంభం కానున్న ఈ చిత్రంలో హీరోయిన్‌గా నటించేందుకు సాయేషా సైగల్‌లను సంప్రదించినట్లు కూడా సమాచారం.. ఇదిలా ఉంటే నడిగర్ సంఘం సంఘం భవన నిర్మాణానికి నిధుల సేకరణకు తామిద్దరం ఓ చిత్రంలో కలిసి నటిస్తామని భవన శంకుస్థాపన కార్యక్రమంలో ప్రకటించారు విశాల్, కార్తీ.. అన్నట్లుగానే వీరిద్దరూ కలిసి ఈ సినిమా చేస్తున్నారు.. ఐతే ఈ సినిమా ఆ భవనం కోసమేనా కాదా అన్న విషయం మాత్రం క్లారిటీ లేదు..
No comments