జడకోలాటం.. గిన్నిస్ రికార్డు..
2,315 మంది స్టూడెంట్స్ అధ్బుత ప్రదర్శన
గిన్నిస్ బుక్‌ రికార్డ్‌కు విజయవాడ మరోసారి వేదికయ్యింది.. గతంలో కూడిపూడి నృతప్రదర్శనతో గిన్నిస్ బుక్‌లో స్థానం అందించిన ఇందిరాగాంధీ క్రీడా మైదానమే ఇందుకు వేదిక అయ్యింది.. డా.అంబేడ్కర్‌ 125 జయంతి ఉత్సవాల్లో భాగంగా సాంఘిక సంక్షేమ గురుకుల విద్యాలయాల సంస్థ ఈ రికార్డుకు శ్రీకారం చుట్టింది.. ఉభయ గోదావరి, కృష్ణా జిల్లాల్లోని 41 గురుకుల పాఠశాలల విద్యార్ధినీ, విద్యార్ధులతో జడకోలాటం నిర్వహించారు. ‘అందుకో దండాలు బాబా అంబేడ్కర్‌..’ అంటూ 2,315 మంది బాలబాలికలు కోలాటం, జడకోలాటాల ప్రదర్శన చేశారు.. కార్యక్రమాన్ని రాష్ట్ర సాంఘిక, గిరిజన సంక్షేమశాఖా మంత్రి నక్క ఆనంద్‌బాబు ప్రారంభించారు.. మరోవైపు ఈ ఉత్సవాల్లో భాగంగా ఈ నెల 8న తిరుపతిలో 25 గంటల పాటు సాంస్కృతిక ప్రదర్శన నిర్వహించనున్నారు. అంబేడ్కర్‌ జీవితవిశేషాల గీతాల సంగీతమాలికలో 125 పాఠశాలల విద్యార్ధులు పాల్గొంటారు. విశాఖపట్నం బీచ్‌లో 11న 7వేల మంది విద్యార్థులతో కూచిపూడి ప్రదర్శన సైతం నిర్వహించనున్నారు..
No comments