అజిత్ విత్ నాన్ చాక్..
వివేగం సినిమా ద్వారా చాలాకాలం తర్వాత మళ్లీ యాక్షన్ హీరోగా తెర మీదకు వస్తున్నాడు అజిత్.. దర్శకుడు సిరుతై శివ ట్విట్టర్ ద్వారా అజిత్ థ్రిల్లింగ్ ఫొటోను విడుదల చేశారు.. ఇప్పటికే యుద్ధవీరుడిగాను, బాంబుదాడిలో గాయపడ్డ సైనికుడిలా, మంచు కొండల్లో తుపాకులు పట్టుకుని ఇలా రకరకాల ఫొటోలు విడుదల చేసిన శివ.. తాజాగా మరో పోస్టర్‌ను కూడా విడుదల చేసి సినిమా మీద ప్రేక్షకులకు అంచనాలను మరింత పెంచేశాడు. ఈ ఫొటోను అర్ధరాత్రి సమయంలో విడుదల చేయగా, అప్పటినుంచి అజిత్ ఫ్యాన్స్ సోషల్ మీడియాలో ఆ ఫొటోను విస్తృతంగా షేర్ చేస్తున్నారు. దాంతో అది ఆన్‌లైన్‌లో వైరల్‌గా మారింది. తెల్లజుట్టుతో సిక్స్ ప్యాక్‌తో కనిపించే అజిత్ లుక్ చూసి ఫ్యాన్స్ ఫిదా అయిపోతున్నారు. ఇందులో అజిత్ ఒక ఇంటర్‌పోల్ ఆఫీసర్‌గా కనిపిస్తాడు. ఈ సినిమాలో కాజల్ అగర్వాల్, అక్షరా హాసన్ కీలక పాత్రల్లో నటిస్తుండగా, బాలీవుడ్ నటుడు వివేక్ ఒబెరాయ్ విలన్ పాత్రలో మెరుస్తాడు. ఆగస్టు 10న ఈ సినిమా విడుదలకు ఏర్పాట్లు చేస్తోంది చిత్ర యూనిట్..
No comments